”Pacar Lamo” (Episode 90)

16
Pinto Janir

Makin cukam dan makin lamo Etek Jariyah mamaciak ubun-ubun Greno, makin kancang pakiak Greno tadanga.

”Ampuuuuun. Sakit Nek!” Greno seperti orang menahan sakit.

Kemudain Etek Jariyah tampak membacakan sesuatu ke ubun-ubun Greno. ”Bismillah….,” hanya itu yang terdengar.

”Allahumma shalli ala sayyidina Muhammad, waala alihi sayyidina Muhammad”, hanya lafas itu nan tadanga. Salabiahnyo, nan tampak adolah muncuang Etek Jariyah nan komat-kamit.

Greno mulai tanang. Sudah tu, Etek Jariyah mamacik ampu kaki Greno. Inyo takah urang manjujuik sesuatu. Takah mancabuik duri dalam dagiang. ”Allahu akbar!” pas katikok Etek Jariyah takbir, bagoyak tonggak surau tuo tu.

Di lua, angin kancang bakisa. Bantuak anak badai. Etek lansuang bagageh kalua. Nyo pandang langik. Nyo hantakkan kaki ka bumi. Inyo mangucap-ngucap. ”Allahu Akbar!” , baitu inyo hantakkan ujuang tumiknyo ka tanah, tampak rumpun buluah tapanggang.

Alun cukuik sampai di situ, inyo baranjak ka batang asam. Di tangannyo adoh paku panjang sajangka. Nyo takbir tigo kali. Nyo hantakkan paku tu ka batang asam.

Baca Juga:  ”Pacar Lamo” (Episode 151)

”Allahu akbar!”

Indak tangguang-tangguang, paku tu tabanam sangaik dalam. Indak bisa dikali jo aka. Apolah dayo tangan surang padusi. Tangan tu jo kekuatan ”ghaib” mampu manakankan paku sadalam antah.

Sungguah sangai ajaib, hanyo dalam hitungan minik, daun-daun batang asam tu lansuang maranggeh. Teya. Daun nan tadi hijau kini barubah manjadi masiak.

Etek Jariyah baliak ka dalam ruang surau tuo tu. Tampak Rundi jo Angah Alim masih duduak di ruang nan tun.

Samantaro, Greno tatidua. Mungkin ikarano latiah. Etek mandakek ka Greno nan sadang takalok.

”Biakan sajo inyo lalok dulu….Insya Allah, panyakiknyo barakaik kakuatan Tuhan, alah dicabuik dari batang tubuhnyo. Untuang Rundi lai lakeh mambaok Greno Kamari. Telat, saketek lai, allahu a’lam!” (Basambuang)